रुसि चलली गौरी तेजि महेश

रुसि चलली गौरी  तेजि महेश,  कर धय कार्तिक गोद गणेश।

तोहे गौरी जुनि नैहर जाह-2, त्रिशूल बाघम्बर बेचि बरु खाह।। 

रुसि चलली गौरी  तेजि महेश….

त्रिशूल बाघम्बर रहो  बर पाया-2, हम दु:ख काटब नैहर जाय।
रुसि चलली गौरी  तेजि महेश….

देखि ऐलहूँ गौरी  नैहर तोर-2, सबके पहिरन बाकल डोर।
रुसि चलली गौरी  तेजि महेश….

जुनि उकटू शिव नैहर मोर -2, नांगट स भल बाकल डोर।
रुसि चलली गौरी  तेजि महेश….

भनहिं विद्यापति सुनिय  महेश-2, नीलकंठ भय हरहु क्लेश ।
रुसि चलली गौरी  तेजि महेश,  कर धय कार्तिक गोद गणेश। २….
रुसि चलली गौरी  तेजि महेश….