स्वागत गीत: मंगलमय दिन आजु हे
मंगलमय दिन आजु हे, पाहून छथि आयल !
धनि-धनि जागल भाग हे, मन कमल फुलायल !!
मंगलमय दिन ----------------------------------- !!
मंगलघट सँ द्वारि सजाओल,
कंचन दीया बारि हम लाओल ,
गांथल हार गुलाब हे, हिनका पहिराओल !
मंगलमय दिन ------------------------ !!
घर खाली बेसी अभिलाषा,
दुभि - धान पर अगबे आशा ,
मान बढ़ावे पाग हें, हिनका पहिराओल !
मंगलमय दिन ------------------------ !!
घर में धन भावहिं का संभल,
सुभग सिनेह मनहिं मन केवल,
घर केर अनुपम साज हे, भोजन में साजल !
मंगलमय दिन ------------------------ !!
No comments: